一對好鞋未被市場揀中， 唔代表佢冇價值。

Bull Kicks 由三個做開波鞋買賣嘅人創立。

我哋反覆見到同一件事：有啲全新波鞋，只係因為一道膠水痕、輕微色差、鞋盒壓損、庫存過剩，或者錯過當季市場焦點，就未必過到一般零售市場嗰關。

對鞋本身仍然係全新，亦可以正常着。被忽略嘅原因，往往係外觀完整度、庫存同銷售時機，而唔係對鞋嘅實際穿着價值。

我哋透過做開嘅供應商渠道，將呢啲全新波鞋重新帶返到客人面前。

每對鞋入庫後，都會先喺香港逐一檢查，再按實際外觀及鞋盒狀況，分做 Selects 或 RESCUED · 拯救鞋子。

我哋唔會將同款所有貨當成一樣。有咩狀況，就逐對講清楚；RESCUED 嘅價錢亦會跟返每對鞋嘅實際狀況。

兩條產品線唔係按入貨來源劃分。每對鞋都會經過同一套入庫檢查，再按實際狀況決定屬於邊一條線。

兩條產品線嘅退換安排唔同，實際以商品頁標示同退換貨政策為準。

每對 RESCUED · 拯救鞋子入庫後，都會逐一檢查、獨立編號同拍攝實物相。檢查時發現嘅主要外觀痕跡，會用紅圈標示喺商品頁。

我哋唔會只寫一句概括描述，就當交代咗對鞋嘅實際狀況。每對都按自己嘅實際狀況分開展示；同款有多對，狀況亦可以唔同。你落單時見到嘅實物相，就係實際出售俾你嗰對。

想睇清楚啲，落單前可以搵我哋索取完整多角度相片；亦可以預約到新蒲崗自取點，親自睇實物同試穿先決定。

現時所有上架貨品都存放喺香港，我哋唔做 dropship。

我哋唔係想將波鞋賣到最平，亦唔係要每個人都接受商品頁列明嘅外觀或鞋盒狀況。

我哋想做嘅，係將每對鞋嘅狀況講清楚，令價錢反映返實際狀況，再將決定權留俾你。

有啲人想要外觀完整，有啲人更重視實際穿着同價錢。兩種選擇都冇問題。重點係，你知道自己買緊咩，再決定佢係咪適合你。

未售庫存最後點樣處理，一直係行業要面對嘅問題。我哋能夠做嘅，係由逐對檢查同透明披露開始，畀仍然值得着嘅全新波鞋多一次被選擇嘅機會。

想了解我哋點樣減少不必要浪費，可以睇永續性。

不完美，才是真實。