退款政策
重要：Bull Kicks 採用「只限換貨」政策。除你落單嘅商品或所選選項標明「RESCUED · 拯救鞋子」或「Final Sale」，或者屬於下方「不適用換貨範圍」列明嘅貨品之外，其他合資格波鞋喺收貨後 7 日內可以申請換貨。除品質問題或本政策列明嘅例外情況外，恕不退款。
本政策並不影響你根據香港法例所享有的法定權利（詳見下方「法定權利」一節）。
多謝你喺 Bull Kicks 入手心頭好。為咗保障大家，買鞋之前麻煩花少少時間，睇睇以下嘅退換貨細則。
可以換貨嘅波鞋
你落單嘅商品或所選選項冇標明「RESCUED · 拯救鞋子」或「Final Sale」，而且唔屬於下方「不適用換貨範圍」嘅合資格波鞋，喺收貨後 7 日內可以申請換貨。
只限換貨；除品質問題或本政策列明嘅例外情況外，不設退款。
申請換貨時，波鞋必須符合以下所有條件：
- 可以正常室內試穿，但不可穿着出街、洗滌或留下明顯損耗
- 必須齊晒原裝 Label、貼紙同包裝
- 原裝鞋盒必須一併退回並保持完好；唔可以破損、撕爛或者畫花，亦唔可以直接當郵盒寄回
- 要出示有效嘅訂單編號
商品頁劃走咗嘅價錢係品牌建議零售價。呢個標示唔代表嗰對波鞋屬於清倉或最終減價貨品；只要唔屬於下方「不適用換貨範圍」，並符合以上所有條件，一樣可以換貨。
RESCUED · 拯救鞋子 —— 不設退換
你落單嘅商品或所選選項標明「RESCUED · 拯救鞋子」嘅波鞋，每對都會獨立影相，並用紅圈標示檢查時發現嘅主要外觀痕跡。
你落單前已經可以睇到實物狀況，所以呢類波鞋一律不設退換。
唯一例外係收到嘅實物同商品頁列明嘅狀況有明顯出入。遇到呢種情況，請聯絡我哋；Bull Kicks 會按實際情況安排換貨或退款。
不適用換貨範圍
以下情況同商品不適用換貨安排：
- 清倉／最終減價貨品（你落單嘅商品或所選選項標明「Final Sale」）
- 特定預約商品 (Pre-order items)
- 限量發售鞋款 (Limited edition releases)
- 曾經穿着出街，或者試穿後有明顯損耗痕跡嘅波鞋
- 原裝鞋盒未能保持收到時嘅狀況，例如新增破損、撕爛或者畫花，又或者直接當郵盒寄回
- 配件類（襪、鞋帶、洗鞋用品等）
- 收貨後超過 7 日先通知我哋嘅波鞋
鞋碼換貨
如果合資格波鞋純粹因為揀錯 size 想換，我哋會優先安排同款不同尺碼。對鞋必須符合上面嘅換貨條件；留意返，換貨嘅來回運費要由你自行承擔。
如同款冇合適尺碼，我哋會提供以下兩個替代方案：
- 換另一對鞋款。如換購鞋款價錢低過原本嗰對，差額不設退款，亦唔會轉為店舖信用額度。換貨收據會列明不獲退回嘅差額。
- 如果唔換另一對鞋款，可以退作店舖信用額度（Store Credit）——留返你下次買鞋用。
品質問題
萬一收到嘅波鞋真係有品質問題（例如嚴重損壞、寄錯款等），可以聯絡我哋安排換貨或退款。注意：RESCUED 商品頁已列明嘅輕微外觀痕跡或鞋盒狀況（例如膠水痕、輕微色差或盒損），不屬於未披露品質問題；實際狀況以你購買嗰對嘅商品頁實物相及紅圈標示為準。
如果收到嘅貨品有品質問題，或者實物同商品頁列明或展示嘅狀況不相符，請喺收貨後 7 日內聯絡我哋，並提供以下資料：
- 訂單編號
- 問題部位嘅清晰相片
- 鞋盒連原裝 Label 嘅相
- 簡單描述下個問題
資料齊全有助我哋盡快核實個案。本節並不影響你根據香港法例所享有嘅法定權利。
自取訂單
上嚟新蒲崗自取嘅朋友，麻煩即場 check 清楚對鞋同個盒嘅狀況。離開自取點之後，如屬交收後造成嘅外觀損毀，恕難處理；本節並不影響你根據香港法例所享有嘅法定權利。
如果發現有咩問題，請即場揚聲搵我哋同事跟進。
商品資料同實際狀況
每對貨品入庫後都會核對商品資料同檢查實際狀況；拯救鞋子另外有獨立編號同實物相，檢查時發現最明顯嘅外觀狀況會用紅圈標示喺商品頁。
如對商品頁資料或者收到嘅貨品有疑問，可以聯絡我哋。我哋會按實際情況、本政策同適用法例處理。
換貨流程
- Email 去 Contact@bull-kicks.com，俾個訂單編號同話我哋知換貨原因。
- 我哋會喺 1-2 個工作天內覆你，教你點樣做。
- 將對鞋連埋原裝包裝寄返嚟，或者親身攞上新蒲崗自取點。
- 等我哋 check 過符合換貨條件後，就會安排俾過另一對你。
除品質問題外，換貨嘅來回運費（寄返嚟 + 重新寄出）由買家承擔。
退款安排
再次強調：除品質問題或本政策列明嘅例外情況外，本店只限換貨，不設退款。
如果因為品質問題而確認可以退款，當我哋收返對鞋 check 清楚後，筆錢會喺 14-21 個工作天內退返落你原來嘅付款方式。實際收到錢嘅時間，要視乎返你張信用卡或銀行嘅處理進度。
法定權利
本政策所提供嘅一般換貨安排，唔會排除、限制或者減損你根據適用香港法例享有嘅權利。
有關權利包括《貨品售賣條例》（第 26 章）就貨品須符合說明及具備可商售品質等方面訂明嘅要求，以及《管制免責條款條例》（第 71 章）就消費者合約中限制相關法律責任所作嘅規定。
貨品及商品資料亦受《商品說明條例》（第 362 章）規管，包括有關虛假商品說明及誤導性遺漏嘅規定。
如果本政策任何內容同適用法例有衝突，以適用法例為準。每宗個案會按實際情況及適用法例處理。
聯絡我們
對退換貨有咩唔清楚？隨時搵我哋：
- Email:Contact@bull-kicks.com
- WhatsApp:+852 5137 2966
- 服務時間：星期一至五 10:00 - 18:00（公眾假期休息）
我哋會喺 1-2 個工作天內盡快回覆。
Bull Kicks 保留隨時修改本政策之權利，恕不另行通知。